Rezidenturaya hazırlaşan namizədlər üçün baza fənləri üzrə sınaq imtahanları keçirilir

Rezidenturaya hazırlaşan namizədlər üçün baza fənləri üzrə sınaq imtahanları keçirilir
# 17 avqust 2013 07:59 (UTC +04:00)

Bakı. Gülnar Bəşirova- APA. Bu gün Tələbə Qəbulu üzrə Dövlət Komissiyası rezidenturaya qəbul imtahanlarına hazırlaşan namizədlərə kömək məqsədilə sınaq imtahanlarının birinci mərhələsini keçirilir. TQDK-nın mətbuat xidmətindən APA-ya verilən məlumata görə, sınaq imtahanları avqustun 17-də baza fənləri üzrə, avqustun 18-də isə ixtisas fənlərindən olacaq.


Rezidenturaya qəbul olunmaq hüququna baza ali tibb təhsili olan şəxslər (namizədlər) malikdirlər. Qəbul imtahanında iştirak etmək üçün ərizə qəbulu internet vasitəsilə aparılır. Namizəd şəxsiyyət vəsiqəsindən (seriyasından, nömrəsindən və PİN kodundan) və "TQDK-nın virtual ödəmə kartı"ndan (iş nömrəsindən və şifrindən) istifadə etməklə TQDK-nın müvafiq internet səhifəsinə (tqdk.gov.az/erizerez) daxil olmalı və oradakı "Namizədin elektron ərizəsi" formasını doldurmalıdır. Namizəd virtual ödəmə kartını internet ödəmə və ya SMS xidmətindən istifadə etməklə əldə edə bilər.

Bundan sonra namizəd tələb olunan sənədləri müvafiq sənəd qəbulu komissiyasına təqdim edib “Namizədin elektron ərizəsi” formasını təsdiq etdirilməlidir.

Qəbul imtahanı test üsulu ilə iki mərhələdə keçiriləcək. İmtahanın birinci mərhələsi 2013-cü il sentyabrın 9-da, ikinci mərhələsi 2013-cü il sentyabrın 10-da baş tutacaq.

Birinci mərhələdə namizədin baza ali tibb təhsili istiqamətinə müvafiq olaraq qəbul proqramı əsasında baza fənləri üzrə bilikləri, ikinci mərhələdə isə ixtisas fənləri üzrə bilikləri yoxlanılacaq. Namizədlərə hər mərhələdə ayrılıqda 100 test tapşırığı təqdim olunacaq. Hər iki mərhələdə namizədin hər bir test tapşırığına düzgün cavabı 1 balla qiymətləndirilir. Səhv cavablar namizədin imtahan nəticəsinə (yekun balına) təsir göstərmir.

İmtahan suallarının cavablandırılmasına hər bir mərhələ üzrə 2 saat 30 dəqiqə vaxt ayrılır.

İmtahana gələrkən namizədlər aşağıdakı sənədləri özləri ilə şəxsiyyət vəsiqəsi və imtahana buraxılış vərəqəsini gətirməlidirlər. İmtahana mobil telefon, kalkulyator və digər köməkçi vasitələrin gətirilməsi qadağandır.


Qeyd edək ki, rezidenturaya sənəd qəbulu avqustun 14-dən 23-dək aparılacaq.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR