Təhsil naziri Amerika-Azərbaycan Ticarət Palatasının işgüzar görüşündə iştirak edib - VİDEO

Təhsil naziri Amerika-Azərbaycan Ticarət Palatasının işgüzar görüşündə iştirak edib - <span style="color: red;">VİDEO
# 26 sentyabr 2013 13:14 (UTC +04:00)

Bakı. Könül Kamilqızı – APA. Amerika-Azərbaycan Ticarət Palatasının (AMCHAM) təşkilatçılığı ilə işgüzar görüş keçirilib. APA-nın xəbərinə görə, tədbirdə təhsil naziri Mikayıl Cabbarov, AMCHAM-ın prezidenti İlqar Vəliyev, ölkədə fəaliyyət göstərən şirkət və biznes qurumlarının nümayəndələri iştirak ediblər.

Təhsil naziri Mikayıl Cabbarov təhsil sahəsi ilə biznes dünyası arasındakı əlaqələrin perspektiv inkişafına dair fikirlərini bildirib. Nazir qeyd edib ki, təhsilin bütün pillə və səviyyələr üzrə inkişafı Təhsil Nazirliyinin qarşısında duran əsas vəzifələrdəndir. İnsanların gələcək professional karyera qurması üçün əlverişli zəmin yaradılması təhsil sisteminin prioritet hədəfləri sırasındadır. Bunun üçün təhsil müəssisələri ilə biznes qurumları arasında əlaqələrin genişləndirilməsi olduqca əhəmiyyətlidir. Biznes dünyası sosial məsuliyyətlilik prinsiplərinə sadiq qalaraq gənclərin gələcək professional inkişafına dəstək vermək məsələsində də fəal olarsa, daha yaxşı nəticələr əldə etmək mümkündür.

Nazir təhsil müəssisələrinin fəaliyyətinin əsasən nəzəri biliklər, biznes qurumlarının isə təcrübə qazanmaq baxımından əhəmiyyətinə toxunub, yalnız nəzəriyyə ilə praktikanın vəhdətinin uğura apardığını bildirib. AMCHAM üzvləri olan biznes qurumlarını tələbələrə təqaüd verilməsi, yay təcrübə proqramlarının təşkili məsələlərində xüsusilə fəal olmağa səsləyən təhsil naziri tələbələrin təlim imkanlarının artırılması, işləməsi və məzun olduqdan sonra məşğulluğunun təmin olunması prosesinin dəstəklənməsi təşəbbüsü ilə çıxış edib. Biznes qurumları ilə əməkdaşlığa cəlb olunmuş insanların, ilk növbədə, təhsilinə yardım edilməsi ənənəsinin genişləndirilməsinin əhəmiyyətinə toxunan nazir onu da qeyd edib ki, nazirlik biznes qurumlarından gələn təşəbbüsləri dəstəkləyir və hər zaman qarşılıqlı əməkdaşlığa hazır olduğunu bildirir.

#
#

ƏMƏLİYYAT İCRA OLUNUR