Sosial

Ana səhifə

Sosial

Tibb Universitetində əmək haqqı artımı olub

30 sentyabr 2014 07:29 (UTC +04:00)

Bakı-APA. Azərbaycan Tibb Universiteti (ATU) əməkdaşlarının əmək haqları artırılıb.

ATU-nun mətbuat xidmətindən APA-ya verilən məlumata görə, universitetin rektoru, akademik Əhliman Əmiraslanovun təşəbbüsü ilə əməkdaşların əmək haqqının artımı haqqında qərar qəbul olunub.

Rektorun əmrinə əsasən, professor-müəllim heyətinin maddi rifah halını yaxşılaşdırmaq, elmi-pedaqoji fəaliyyətini stimullaşdırmaq məqsədilə ATU əməkdaşlarının aylıq əmək haqqı orta hesabla 30 %-dən çox artırılıb. Əmrin oktyabr ayından qüvvəyə minəcəyi, ayrı-ayrı sahələrdə çalışan əməkdaşların hamısına şamil olunacağı qeyd edilib.

Qeyd olunub ki, bu ilin əvvəlində də Tibb Universiteti işçilərinin aylıq vəzifə maaşlarının orta hesabla 25% yüksəldilməsi haqqında qərar verilib.

ATU _ əməkhaqqı