Birləşən bələdiyyələrin adlarının necə müəyyənləşəcəyi məlum olub

Birləşən bələdiyyələrin adlarının necə müəyyənləşəcəyi məlum olub
# 27 fevral 2024 13:11 (UTC +04:00)

Birləşən bələdiyyələrin adlarının necə müəyyənləşəcəyi məlum olub.

APA xəbər verir ki, bu, “Bələdiyyələrin birgə fəaliyyəti, birləşməsi, ayrılması və ləğv edilməsi haqqında” qanuna təklif edilən dəyişiklikdə əksini tapıb.

Layihəyə əsasən, ad birləşən bələdiyyələr arasında əhalisinin sayı ən çox olan bələdiyyənin adına uyğun müəyyən ediləcək.

Qeyd edək ki, Milli Məclis əhalisinin sayı 3000 nəfərdən və ya ev təsərrüfatlarının sayı 1000 vahiddən az olan bələdiyyədə yaranan sosial-iqtisadi vəziyyət, tarixi və digər yerli xüsusiyyətlər nəzərə alınmaqla həmin bələdiyyənin digər bələdiyyə ilə birləşdirilməsi ilə bağlı Azərbaycan Respublikası qanunvericiliyinə müvafiq surətdə qərar qəbul edəcək.

#
#

ƏMƏLİYYAT İCRA OLUNUR