Dövlət Agentliyi İTS çərçivəsində xidmətlərin artırılması məsələsinə münasibət bildirib

Dövlət Agentliyi İTS çərçivəsində xidmətlərin artırılması məsələsinə münasibət bildirib
# 29 noyabr 2023 17:38 (UTC +04:00)

İcbari Tibbi Sığorta üzrə Dövlət Agentliyi Milli Məclisdə icbari tibbi sığorta haqqının artırılması və vəsaitin artması nəticəsində tibbi xidmətlər siyahısına daxil olan xidmətlərin artırılmasının mümkün olacağı ilə bağlı səsləndirilən fikrə münasibət bildirib.

Agentlikdən APA-nın sorğusuna cavab olaraq bildirilib ki, İTSDA vətəndaş məmnunluğunun yüksəldilməsi üçün sığorta ilə qarşılanan tibbi xidmətlərin sayının artırılmasını, eləcə də ambulator dərmanların da təminata alınmasını hədəfləyib:

"Qeyd olunan hədəflərə çatmaq üçün icbari tibbi sığorta fondunun maliyyə dayanıqlığı tam təmin edilməlidir. Agentlik tibbi xidmətlərin əhatə dairəsinin genişləndirilməsi, Xidmətlər Zərfinin daha da təkmilləşdirilməsi üzərində çalışır".

Xatırladılıb ki, cari ildə tibbi xidmətlərin siyahısına 775 sayda ixtisaslaşdırılmış ambulator, fizioterapiya və reabilitasiya, laboratoriya, invaziv radioloji və stasionar tibbi xidmətlər əlavə edilib. Beləliklə Xidmətlər Zərfi ilə əhatələnmiş tibbi xidmətlərin sayında 30%-lik artım qeydə alınıb.

#
#

ƏMƏLİYYAT İCRA OLUNUR