“Korrupsiya sərhəd tanımır, bu gün keçirilən tədbir bizim ədalət prinsiplərinə sadiqliyimizi daha da gücləndirməlidir”.
APA xəbər verir ki, bunu BMT-nin Korrupsiyaya qarşı mübarizə aparan hüquq-mühafizə orqanlarının Qlobal Əməliyyatlar Şəbəkəsinin (GlobE Network) VI Plenar iclasının açılışında GlobE Network rəhbər komitəsinin sədri Nasser Abaalkhalil deyib.
O bildirib ki, qurum çərçivəsində əməkdaşlıq korrupsiyadan daha güclü olmalıdır: “Bizim Şəbəkənin atdığı addımlar çox yaxşı nəticələr verib. İşlərimizi sürətlə aparaq, hərtərəfli əlaqələr quraq, fəaliyyətimizi davam etdirək. İnnovasiya və texnologiya bizim işimizi hansı şəkildə gücləndirə bilər, buna baxmalıyıq, oğurlanmış vəsaitlərin necə qaytarıla biləcəyini müzakirə etməliyik. Korrupsiyanın özü də adaptasiyaya uğrayır, süni intellekt, sürətli maliyyə transferləri bu günün reallığıdır. Texnologiya, vəsaitlərin qaytarılmasında seçim olmalı deyil, bu, mütləq olmalıdır. Biz korrupsiyanı törədənlərdən 1 addım öndə olmalıyıq. Təcrübələrimizi bölüşməliyik, real nəticə gətirə biləcək əməliyyatlar formalaşdırılmalıdır”.
O, Azərbaycana tədbirə ev sahibliyini qəbul etdiyi eçün təşəkkür edib: “Qoy, ədalət mühakiməsi hər bir yerdə zəfər çalsın”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
