Növbəti köç karvanı Laçın rayonuna çatıb - FOTO - YENİLƏNİB

Növbəti köç karvanı Laçın rayonuna çatıb - FOTO  - YENİLƏNİB
# 28 fevral 2024 17:29 (UTC +04:00)

Fevralın 28-də Bakı şəhərinin Qaradağ rayonundan yola salınan növbəti köç karvanı Laçın rayonuna çatıb. Laçın şəhəri və rayonun Zabux kəndinə yeni köçürülən ailələrə mənzillərinin açarlarının təqdimat mərasimi keçirilib.

Qaçqınların və Məcburi Köçkünlərin İşləri üzrə Dövlət Komitəsindən APA-ya verilən xəbərə görə, mərasimdə Komitə və Şərqi Zəngəzur iqtisadi rayonuna daxil olan Laçın rayonunda Azərbaycan Prezidentinin xüsusi nümayəndəliyinin rəsmiləri iştirak ediblər.
Köçürülən ailələr vaxtilə yaşadıqları, işğala son qoyulduqdan sonra dövlətimizin başçısının göstərişi əsasında bərpa edilən və ya yenidən tikilən evlərdə məskunlaşacaqlar. Bu mərhələdə Laçın şəhərinə daha 20 ailə - 78 nəfər, Zabux kəndinə 4 ailə - 11 nəfər köçürülüb.

Bununla da Laçın şəhərində 451 ailənin, yəni 1705 nəfərin, Zabux kəndində 211 ailə, 808 nəfərin daimi məskunlaşması təmin edilib.

***

07:02

Laçın şəhəri və Zabux kəndinə növbəti köç karvanı yola düşüb.

APA xəbər verir ki, bu mərhələdə Laçın şəhərinə daha 20 ailə - 78 nəfər, Zabux kəndinə isə 4 ailə - 11 nəfər köçürülür.

Laçın şəhərinə 11 ailə (41 nəfər) Bakı şəhərindən, 4 ailə (21 nəfər) Abşeron rayonundan, 3 ailə (11 nəfər) Sumqayıt şəhərindən, 1 ailə (3 nəfər) Tərtər rayonundan, 1 ailə (2 nəfər) Ağcabədi rayonundan köçürülüb. Laçın rayonunun Zabux kəndinə isə Bakıdan köçürülüblər.

Köçürülən ailələr Qaradağ rayonu “Qobu Park-3” köçkün şəhərciyində məktəbin qarşısından Qaçqınların və Məcburi Köçkünlərin İşləri üzrə Dövlət Komitəsinin və Laçın RİH-nin nümayəndələri tərəfindən yola salınıb.

Bununla ümumilikdə Laçın şəhərinə 451 ailə (1705 nəfər) köçürülüb. Zabux kəndinə köçürülənlərin sayı isə 808 nəfərə çatıb (211 ailə).

Ləman Salehova

#
#

ƏMƏLİYYAT İCRA OLUNUR