Albaniya prezidentinə Dillər Universitetinin fəxri doktoru adı verilib

albaniya prezidentine diller universitetinin fexri doktoru adi verilib

Albaniya prezidenti Buyar Nişaniyə Azərbaycan Dövlət Dillər Universitetinin fəxri doktoru adı verilib.

 

APA-nın məlumatına görə, mərasimdə çıxış edən universitetin rektoru Əfqan Abdullayev iki ölkə arasındakı münasibətlərin tarixindən danışıb.

 

O bildirib ki, ikitərəfli münasibətlər siyasi, iqtisadi, enerji və mədəniyyət kimi sahələri əhatə edir. Albaniyanın turizm, sənaye və infrastruktur sahəsinə azərbaycanlı investorları fəal cəlb etdiyini deyən rektor iki ölkənin BMT, ATƏT və digər beynəlxalq təşkilatlarda fəal əməkdaşlıq etdiyini söyləyib. Ə. Abdullayev həmçinin Azərbaycanla Albaniyanın ərazi bütövlüyü və suverenlik məsələsində bir-birini dəstəklədiyini deyib. O iki ölkə arasında tələbə-professor mübadiləsinin artırılmasının qarşılıqlı əlaqələri dərinləşdirilməsinə kömək edəcəyini də vurğulayıb.
 

B. Nişani fəxri ada layiq görüldüyünə görə fəxr və məsuliyyət hissi keçirdiyini deyib. "Albaniya qarşısına çoxlu məqsədlər qoyub. Onlara nail olmaq üçün Azərbaycan da daxil olmaqla, tərəfdaşlarımız öz töhfəsini verir. Azərbaycan onların arasında xüsusi yer tutur. Azərbaycan enerji resurslarından səmərəli istifadə və idarə olunması baxımından bizim üçün örnək ölkədir".
 

Hər iki ölkənin çətin zamanlardan keçdiyini və azadlıqları uğrunda mübarizə apardığını deyən B. Nişani hazırda qarşıda bir sıra ümumi məqsədlərin olduğunu vurğulayıb.
 

Sonra Albaniya prezidenti tələbələrin suallarını cavablandırıb. 
 

Tədbirdə həmçinin “Qarabağ” futbol klubunun albaniyalı oyunçusu Ansi Agolli də iştirak edib. 

BÖLMƏDƏN DİGƏR XƏBƏRLƏR

XƏBƏR LENTİ

18:12 18 Avqust
TOP 5

VİDEO XƏBƏRLƏR

FOTO XƏBƏRLƏR

  • azerbaycanda kecmis telekanal rehberinin oglu cayda batib
    Azərbaycanda keçmiş telekanal rəhbərinin oğlu çayda batıb...
  • deputat novruz aslanov secicileri qebul edib
    Deputat Novruz Aslanov seçiciləri qəbul edib
deputat novruz aslanov secicileri qebul edib deputat novruz aslanov secicileri qebul edib +2
MƏZƏNNƏ
FOREX
/ 19 Avqust, 2017

USD
1.7008
 
EUR
1.9963
 
RR
0.0287
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ