Futbol

Ana səhifə

Futbol

Çempionlar Liqası: 3 oyunda ev sahibləri, 2 matçda qonaqlar qələbə qazanıb - VİDEO

10 iyul 2019 00:21 (UTC +04:00)

Futbol üzrə Çempionlar Liqasında I təsnifat mərhələsinə start verilib.

APA-nın məlumatına görə, ilk oyunlar çərçivəsində 8 matç keçirilib.

Qarşılaşmalardan üçündə evdə oynayan komanda qələbə qazanıb. Onlardan yalnız HİK rəqibinə böyükhesabla qalib gəlməyi bacarıb. “Astana” və “Ararat” rəqibini bir top fərqi ilə məğlub edib.

“Şkendiya” və “Seltik” isə rəqib meydanında qələbə qazanıb. Sonuncular iki, makedoniyalılar bir top fərqi ilə qalib gəlməyə nail olub. Digər üç oyunda qalib müəyyənləşməyib. Bunlardan ikisində dörd qol vurulub.

Qeyd edək ki, ilk oyunlara iyulun 10-da baş tutacaq 8 matçla yekun vurulacaq.

Çempionlar Liqası
I təsnifat mərhələsi, ilk oyunlar
9 iyul
17:00. "Astana" (Qazaxıstan) - ÇFR (Kluj, Rumıniya) – 1:0
Postnikov, 68
18:00. "Ararat" (Ermənistan) - AIK (İsveç) – 2:1
Avetisyan, 3 (pen.), 45 – Obasi, 39
20:00. HİK (Finlandiya) - "HB Torshavn" (Farer adaları) – 3:0
Lappalaynen, 21, 66, Oşoqnessi, 42
20:00. "Nomme Kalyu" (Estoniya) - "Şkendiya" (Makedoniya) – 0:1
İbraimi, 81 (pen.)
21:45. "Sarayevo" (Bosniya və Herseqovina) - "Seltik" (Şotlandiya) – 1:3
Oremus, 29 – Conston, 35, Eduard, 51, Sinkleyr, 86
22:00. TNS (Uels) – “Ferronikel” (Kosovo) – 2:2
Draper, 49 (pen.), Edvards, 77 – Zeka, 89, Fazliu, 90 (pen.)
22:00. "Suduva" (Litva) - "Srvena Zvezda" (Serbiya) – 0:0
22:00. "Düdelanj" (Lüksemburq) - "Valletta" (Malta) – 2:2
Bettayeb, 26, Stolz, 45 – Pakker, 64, Borq, 70