“Ümumdünya Səhiyyə Təşkilatı ilə Azərbaycan arasında çox səmərəli əməkdaşlıq qurulub”.
APA-nın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.
H. Hacıyev deyib ki, mart ayının əvvəlində ÜST-ün ekspert qrupu Azərbaycanda olub, Azərbaycanın gördüyü işlər yüksək qiymətləndirilib: “Azərbaycan ÜST-ün tövsiyələrini nəzərə alır. 11 may tarixində isə ÜST-ün Baş Direktoru Azərbaycanın gördüyü tədbirləri çox yüksək qiymətləndirib”.
H. Hacıyev qeyd edib ki, Azərbaycan ÜST ilə təmaslarını davam etdirəcək: “ÜST-ün Avropa regional bürosu və Bakıdakı nümayəndəliyi ilə sıx təmas davam etdirilir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
