Maliyyə

Ana səhifə

Maliyyə

Azərbaycanda məcburi audit subyektlərinin 92%-i yoxlamalardan yayınıb - CƏDVƏL

12 may 2020 14:18 (UTC +04:00)

Ötən il Azərbaycan üzrə 46 282 ədəd məcburi audit obyektindən yalnız 3 745-i və ya 8,09%-i yoxlamadan keçib.

"APA-Economics" bu barədə Hesablama Palatasının illik hesabatına istinadən xəbər verir.

Məlumata əsasən, məcburi auditdən keçən subyektlərin sayında 2018-ci ilə nisbətən 19% artım qeydə alınıb.

Bildirilir ki, ötən il ölkədə bankların sığorta şirkətlərinin hamısı, bələdiyyələrin 89,53%-i, səhmdar cəmiyyətlərin 47,8%-i, siyasi partiyaların 27,27%-i, MMC-lərin 3,88%-i məcburi auditdən keçib.

Xatırladaq ki, 2019-cu il ərzində yerinə yetirilmiş 5 205 müqavilədən 3 745-i məcburi auditin subyekti, 1 460-ı isə könüllü auditin subyekti olub. Bu da uyğun olaraq 71,95% və 28,05% təşkil edib.

Məcburi audit subyektlərinin təşkilati-hüquqi forması	Respublika üzrə məcburi audit subyektlərinin sayı	2019-cu il üzrə məcburi auditdən keçən təsərrüfat subyektlərinin sayı	Auditdən keçmə %-i
Səhmdar cəmiyyətlər	1 163	556	47,8
Məhdud məsuliyyətli cəmiyyətlər	43 408	1 686	3,88
Bələdiyyələr	1604	1436	89,53
Banklar	30	30	100
Sığorta şirkətləri	22	22	100
Siyasi partiyalar	55	15	27,27
Cəmi	46 282	3 745	8,09