Lənkəranda sükan arxasında yuxulayan sürücü qəza törədib.
ONA-nın cənub bürosunun verdiyi məlumata görə, 1990-cı il təvəllüdlü Astara rayon sakini Pərviz Hüseynov "VAZ 2106" markalı avtomobili ilə Səpnəkəran kəndində qəzaya uğrayıb. Evlərdən birinin hasarına çırpılan avtomobilin sürücüsü və iki sərnişin müxtəlif dərəcəli bədən xəsarətləri alıblar. Sürücü və sərnişin, Lənkəran rayonu Xanbulan kənd sakini, 1989-cu il təvəllüdlü Ayaz Babayev qapalı kəllə beyin travması diaqnozu ilə Lənkəran rayon Mərkəzi Xəstəxanasının Reanimasiya şöbəsinə yerləşdiriliblər. Digər sərnişin isə ilkin müayinədən sonra evə buraxılıb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
