Sənaye və energetika

Ana səhifə

Azərbaycan qızıl və gümüş istehsalını artırıb - CƏDVƏL

21 may 2020 15:25 (UTC +04:00)

Bu ilin yanvar-aprel aylarında Azərbaycanda 1 187,4 kq qızıl hasil edilib ki, bu da 2019-cu ilin analoji dövrü ilə müqayisədə 10,6% çoxdur.

"APA-Economics"in Dövlət Statistika Komitəsinə istinadən verdiyi məlumata görə, hesabat dövründə ölkədə 1 423,8 kq gümüş istehsal edilib. Ötən ilin müvafiq dövrü ilə müqayisədə bu göstərici 41,4% artıb.

Qeyd edək ki, hazırda Azərbaycanda qızıl "AzerGold" QSC və Böyük Britaniyanın "Anglo-Asian Mining" şirkəti tərəfindən hasil olunur.

"Anglo-Asian Mining" Azərbaycanda 1997-ci il avqustun 21-də imzalanmış PSA (Production Sharing Agreement/Hasilatın Pay Bölgüsü) tipli müqavilə çərçivəsində hasilatla məşğul olur. Müqavilədə Azərbaycanın payı 51%, Britaniya şirkətinin payı 49% təşkil edir. İlk qızıl hasilatına ("Gədəbəy" yatağında) 2009-cu ildə başlanılıb.

Məhsul növləri	2020-ci ilin yanvar-aprel aylarında istehsal edilib	Əvvəlki ilin müvafiq dövrünə nisbətən, %
Mis filizləri və konsentratları, ton	740,6	113,1
Qiymətli metal filizləri və konsentratları, kq	2 611,2	125,5
o cümlədən: qızıl	1 187,4	110,6
gümüş	1 423,8	141,4