Xarici siyasət

Ana səhifə

Xarici siyasət

Azərbaycanın xarici işlər naziri Avropa Parlamentinin üzvlərini qəbul edib

15 iyul 2011 15:35 (UTC +04:00)

Bakı – APA. Azərbaycanın xarici işlər naziri Elmar Məmmədyarov Avropa Parlamentinin üzvləri Franko Qaston, Ferreira Fernandez Xose Manuel və Belçika Parlamentinin üzvü Alen Desteksi qəbul edib. XİN-in mətbuat xidmətindən APA-ya verilən məlumata görə, qonaqları salamlayan nazir Azərbaycanda bütün sahələrdə sürətlə gedən inkişaf prosesi və ölkənin gündən-günə artan regional rolu barədə danışıb. Dağlıq-Qarabağ münaqişəsinin həllinə dair aparılan danışıqlara toxunan E. Məmmədyarov, Ermənistan silahlı qüvvələrinin Azərbaycanın işğal olunmuş ərazilərindən birmənalı olaraq çıxarılmasının zəruriliyini vurğulayaraq beynəlxalq təşkilatlar tərəfindən qəbul edilmiş bir sıra sənədlərin bunun üçün hüquqi əsas təşkil etdiyini söyləyib.

Qonaqlar isə Azərbaycanla Avropa Parlamenti arasında əlaqələrin inkişaf etdirilməsi və əməkdaşlığın genişləndirilməsinin vacibliyini ifadə ediblər. Onlar Dağlıq Qarabağ münaqişəsinin sülh yolu ilə həllinə ümidvar olduqlarını bildiriblər.