Azərbaycanın xarici işlər naziri Yeni Zelandiya səfirini qəbul edib - FOTO

Azərbaycanın xarici işlər naziri Yeni Zelandiya səfirini qəbul edib - <font color=red>FOTO</font>
# 13 iyun 2012 16:06 (UTC +04:00)
Bakı – APA. Azərbaycanın xarici işlər naziri Elmar Məmmədyarov Yeni Zelandiyanın iqamətgahı Rusiyanın Moskva şəhərində olmaqla Azərbaycanda akkreditə olunmuş səfiri İan Hilli qəbul edib. XİN-in mətbuat xidmətindən APA-ya verilən məlumata görə, səfiri salamlayan nazir iki ölkə arasında münasibətlərin inkişaf etdirilməsinin zəruriliyinə diqqət çəkərək beynəlxalq təşkilatlar çərçivəsində əməkdaşlığın əhəmiyyətini xüsusi qeyd edib.

Ermənistan-Azərbaycan münaqişəsi barədə məlumat verən E. Məmmədyarov Azərbaycanın münaqişənin diplomatik vasitələrlə həll edilməsinin tərəfdarı olduğunu, azərbaycanlı qaçqın və məcburi köçkünlərin öz doğma yurdlarına qayıtmaq hüquqlarının bərpa edilməsinin vacibliyini vurğulayıb.

Görüşdə Azərbaycanın BMT TŞ-də fəaliyyəti və prioritetləri, eləcə də beynəlxalq təşkilatlar çərçivəsində iki ölkə arasında əməkdaşlıq perspektivləri müzakirə olunub.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR