Gürcüstan Parlamentinin sədri Azərbaycana rəsmi səfərə gəlib - FOTO - YENİLƏNİB

Gürcüstan Parlamentinin sədri Azərbaycana rəsmi səfərə gəlib - FOTO  - YENİLƏNİB
# 10 dekabr 2023 19:33 (UTC +04:00)

Gürcüstan parlamentinin sədri Şalva Papauaşvilinin rəhbərlik etdiyi nümayəndə heyəti Milli Məclisin sədri Sahibə Qafarovanın dəvəti ilə Azərbaycana rəsmi səfərə gəlib.

APA-nın Tbilisi müxbiri xəbər verir ki, bu barədə Gürcüstan parlamentinin mətbuat xidməti məlumat yayıb.

Bildirilib ki, Gürcüstan nümayəndə heyəti səfər çərçivəsində hökumət və parlament səviyyəsində yüksək səviyyəli görüşlər keçirəcəklər.

Bildirilib ki, nümayəndə heyətinə vitse-spiker Arçil Talakvadze, hakim “Gürcü Arzusu” partiyasının parlament fraksiyası sədrinin birinci müavini Qreta Tsitsava, həmçinin Gürcüstan parlamentinin hakim partiyadan olan azərbaycanlı deputatları Savalan Mirzəyev, Zaur Darğallı, həmçinin “Vahid Milli Hərəkat – Birləşmiş Müxalifət” blokundan Ramaz Nikolaişvili daxildir.

***

19:05

Gürcüstan Parlamentinin sədri Şalva Papuaşvili dekabrın 10-da Azərbaycan Respublikasına rəsmi səfərə gəlib.

APA xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Gürcüstan Parlamentinin sədri Şalva Papuaşvilini Milli Məclis sədrinin birinci müavini Əli Hüseynli, Milli Məclisin Azərbaycan-Gürcüstan parlamentlərarası əlaqələr üzrə işçi qrupunun rəhbəri deputat Arzu Nağıyev və digər rəsmi şəxslər qarşılayıblar.

#
#

ƏMƏLİYYAT İCRA OLUNUR