Rusiya Azərbaycan-Ermənistan nümayəndələrinin iki ölkə sərhədində görüşünü alqışlayır

Rusiya Azərbaycan-Ermənistan nümayəndələrinin iki ölkə sərhədində görüşünü alqışlayır
# 06 dekabr 2023 14:59 (UTC +04:00)

Rusiya Azərbaycan-Ermənistan nümayəndələrinin hər iki ölkənin sərhədində görüşünü alqışlayır.

APA-nın Moskva müxbiri xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

Onun sözlərinə görə, görüş zaman tərəflər sərhədlərin delimitasiya prosesinə başlanılması hazırlığı çərçivəsində metodoloji və təşkilatı məsələləri razılaşdırıblar: “Öz tərəfimizdən delimitasiya fəaliyyəti çərçivəsində biz hərtərəfli yardımı göstərməyə, vacib kartoqrafik materialları təqdim etməyə hazırıq. Bunu dünən Rusiya XİN başçısı Sergey Lavrov Xəzəryanı ölkələrin xarici işlər nazirlərinin toplantısı çərçivəsində azərbaycanlı həmkarı ilə görüşündə də təsdiq edib.

O ki qaldı regionda nəqliyyat kommunikasiyalarının açılması ilə bağlı üçtərəfli işçi qrupun fəaliyyətinə, əvvəllər də qeyd etmişdik ki, işçi qrupun fəaliyyətində əhəmiyyətli tərəqqi qeydə alınıb. Hər iki tərəfdən siyasi iradə olacağı təqdirdə konkret layihələrin razılaşdırılması üzrə işi operativ bitirib, predmetli fəaliyyətə başlamaq olar. Hesab edirik ki, üçtərəfli işçi qrup çərçivəsində razılığa gəlməyi gecikdirmək region ölkələrinin, o cümlədən Ermənistanın maraqlarının əksinə işləyəcək”.

#
#

ƏMƏLİYYAT İCRA OLUNUR