Bakı - APA. Azərbaycanın İsveçrə Konfederasiyasındakı səfiri Əkrəm Zeynallı İsveçrə Konfederasiyasının Federal Prezidenti Deli Maurer ilə görüşüb.
Azərbaycanın İsveçrədəki səfirliyindən APA-ya verilən məlumata görə, D. Maurer iki ölkə arasında mövcud olan fəal siyasi dialoqu yüksək qiymətləndirib, dost və tərəfdaş kimi gördükləri Azərbaycanla ikitərəfli əlaqələrin bundan sonra da inkişaf etdirilməsində maraqlı olduqlarını diqqətə çatdırıb.
Görüşdə iki ölkə arasında siyasi, iqtisadi və humanitar sahədə mövcud əməkdaşlığın hazırkı vəziyyəti və gələcək inkişaf perspektivləri ətrafında fikir mübadiləsi aparılıb.
Görüşdə İsveçrə Konfederasiyasının Federal Parlamentinin Yuxarı Palatası sayılan Kantonlar Şurasının sədri Filippo Lombardi də iştirak edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
