Bakı. Mübariz Aslanov – APA. “Asiya Siyasi Partiyaları Beynəlxalq Konfransının başlıca vəzifələrindən biri də odur ki, gəncləri öz ətrafında sıx birləşdirsin, gələcəyə hazırlasın. Necə ki Azərbaycan gənclərə gələcək kapital kimi baxır”. APA-nın məlumatına görə, bunu Yeni Azərbaycan Partiyası sədrinin müavini-icra katibi, İCAPP-ın Daimi Komitəsinin üzvü Əli Əhmədov Bakıda keçirilən İCAPP Gənclər Qolunun 2-ci toplantısında çıxışı zamanı bildirib. O qeyd edib ki, Azərbaycan hakimiyyətinin əsas hədəflərindən biri gənc nəslin sabaha hazırlığıdır: “Biz gələcəyin kapitalını formalaşdırmaqdayıq. Bu, Azərbaycanla yanaşı, bütün dünya ölkələri, o cümlədən İCAPP-a üzv olan ölkələrə də aiddir. İCAPP bu istiqamətdə mütləq öz səylərini göstərməlidir”.
Ə. Əhmədov deyib ki, dünyada sabitliyin bərpa olunmasında, separatizmə, terrorizmə və işğalçılığa qarşı mübarizədə gənclər daha fəal olmalıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
