"Azərbaycan-Türkiyə münasibətləri" II Beynəlxalq elmi konfransı keçirilir

azerbaycan turkiye munasibetleri ii beynelxalq elmi konfransi kecirilir

Oktyabrın 12-də Azərbaycan Dövlət Pedaqoji Universitetinin (ADPU), Azərbaycan Turizm və Menecment Universitetinin (ATMU) və Türkiyə Respublikasının Kastamonu Universitetinin birgə təşkilatçılığı ilə  ADPU-da "Azərbaycan-Türkiyə münasibətləri" II Beynəlxalq elmi konfransı başlayıb. 

 

APA-nın xəbərinə görə, konfransda Azərbaycan Dövlət Pedaqoji Universitetin rektoru Cəfər Cəfərov, Türkiyənin Azərbaycandakı səfiri Erkan Özoral, Türkiyənin Kastamonu Universitetinin  rektoru Seyit Aydın və Azərbaycan Turizm və Menecment Universitetinin rektoru İlham Mədətov iştirak edib. 

 

Erkan Özoral bildirib ki, bəzi qüvvələr Türkiyə və Azərbaycanın eyni kökdən olduğunu unutdurmağa çalışır: "Tariximizi birlikdə araşdırmasaq, bu işi başqalarına həvalə etsək, yalan tarix ortaya çıxacaq. Biz bir ağacın iki qoluyuq, bir atanın iki oğluyuq. Türkiyə və Azərbaycan xalqı bir-birini çox yaxşı tanıyır, amma bizim münasibətdə əskik olan bir şey var. Biz bir-birimizi yaxşı tanımağa rəğmən, dərinliyə gedə bilməmişik. İki ölkənin tarix və mədəniyyətindəki ortaq yönləri  araşdırmağı başqasına həvalə etsək, öz istədikləri kimi yazmağa çalışarlar. Belə olanda da Qubanın ağ alması Iğdırın ağ alması, Məhəmməd peyğəmbər Mehmet olar və hətta Nuru Paşanın o vaxt Bakıya qızıl üçün gəldiyini deyənlər də var.  Biz böyük zülmə məruz qalmış millətik və bunları ortaya  çıxarmağımız lazımdır. Düşmənlərimiz türklüyü yox etməyə çalışırlar. Buna görə, keçmişi öyrənək ki, gələcəyə sahib çıxaq. Azərbaycan ən çox şəhidimizin olduğu ölkədir. Biz Azərbaycan torpaqlarının müdafiəsini öz vətənimizin müdafiəsi kimi görürük. Bu gün Qarabağ şəhidlərinin Türkiyə şəhidlərindən heç bir fərqi yoxdur”.

 

S. Aydın deyib ki, dili, tarixi və mədəniyyəti bir olan iki dövlətin ortaq tarixini, ortaq gələcəyini cızmaq üçün birgə gerçəkləşdirilən elmi fəaliyyətlərin əhəmiyyəti çoxdur. 
 
İlham Mədətov Türkiyə və Azərbaycan arasında münasibətlərin yüksələn xətlə inkişaf etdiyini vurğulayıb.
 
Konfrans bölmə iclaslarında davam etdirilib. 

BÖLMƏDƏN DİGƏR XƏBƏRLƏR

XƏBƏR LENTİ

09:06 23 Fevral
TOP 5

VİDEO XƏBƏRLƏR

FOTO XƏBƏRLƏR

  • babek prospektinde su xetlerinin cekilisi mayda basa catdirilacaq
    Babək prospektində su xətlərinin çəkilişi mayda başa çatdırı...
  • abs sefiri ve xanimi zengilan rayon 4 sayli orta mektebini ziyaret edibler
    ABŞ səfiri və xanımı Zəngilan rayon 4 saylı orta məktəbini z...
abs sefiri ve xanimi zengilan rayon 4 sayli orta mektebini ziyaret edibler abs sefiri ve xanimi zengilan rayon 4 sayli orta mektebini ziyaret edibler +2
MƏZƏNNƏ
FOREX
/ 23 Fevral, 2018

USD
1.7001
 
EUR
2.0914
 
RR
0.0301