General Novruzəli Orucovun oğlunun məhkəməsi təxirə salınıb

general novruzeli orucovun oglunun mehkemesi texire salinib

Binəqədi Rayon Məhkəməsində xuliqanlıqda təqsirləndirilən Rüstəm Orucovun cinayət işi üzrə bu günə təyin olunan məhkəmə prosesi təxirə salınıb.

 

APA-nın xəbərinə görə, prosesə sədrlik edən hakim Rəşad Əliyev iclasa gəlməyib. Buna səbəb hakimin Ali Məhkəmədə Plenum İclasında olması göstərilir.

 

Proses qeyri-müəyyən vaxtadək təxirə salınıb.

 

Qeyd edək ki, hüquq-mühafizə orqanlarının yaydığı məlumatda bildirilib ki, bu il iyulun 3-də Bakı şəhər sakini Rüstəm Orucov sürücülük hüququndan məhrum olunmasına baxmayaraq, idarə etdiyi “BMW” markalı, 10-OG-300 dövlət nömrə nişanlı avtomobillə yol hərəkəti qaydalarını pozduğuna görə ona əsaslı irad bildirmiş sürücü Sənan Səmədovun idarə etdiyi marşrut avtobusunu 8 dayanacaq təqib edərək sərnişinlərin narahatlığına və insanlarda vahiməyə səbəb olub, vətəndaşların gözü qarşısında bir qrup şəxslə həmin sürücüyə xəsarətlər yetirərək xuliqanlıq edib.

 

Faktla bağlı Binəqədi rayon Polis İdarəsinin İstintaq Şöbəsində Cinayət Məcəlləsinin 221.2.1-ci (bir qrup şəxs tərəfindən xuliqanlıq) maddəsi ilə cinayət işi başlanıb.

 

Xatırladaq ki, Rüstəm Orucov piyadanın ölümünə səbəb olan yol-nəqliyyat hadisəsi törədib, hadisə yerindən qaçdığına üçün 2014-cü ildə 4 il müddətinə azadlıqdan məhrum olub, 2016-cı ildə isə şərti olaraq vaxtından əvvəl azad edilib.

 

R. Orucov Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə sabiq müavini – Həqiqi hərbi xidmətə çağırış baş idarəsinin keçmiş rəisi, general Novruzəli Orucovun oğludur. N. Orucov hadisədən sonra tutduğu vəzifədən azad edilib.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • valentina matviyenko azerbaycan prezidentini tebrik edib
    Valentina Matviyenko Azərbaycan prezidentini təbrik edib
  • cnn azerbaycanin gezib gormeli yerleri haqqinda meqale yayimlayib
    CNN Azərbaycanın gəzib-görməli yerləri haqqında məqalə yayım...
cnn azerbaycanin gezib gormeli yerleri haqqinda meqale yayimlayib cnn azerbaycanin gezib gormeli yerleri haqqinda meqale yayimlayib +2
MƏZƏNNƏ
FOREX
/ 23 Aprel, 2018

USD
1.7
 
EUR
2.0862
 
RR
0.0278