Azərbaycanda xaricdən maliyyələşən layihələrlə bağlı qaydalar dəyişir

Bakı. Mübariz Aslanov – APA. Azərbaycan Milli Məclisinin Hüquq siyasəti və dövlət quruculuğu komitəsinin iclasında “Qeyri-hökumət təşkilatları (ictimai birliklər və fondlar) haqqında” və “Qrant haqqında” qanunlara əlavə və dəyişikliklər müzakirəyə çıxarılıb.

APA-nın xəbərinə görə, iclasda komitə sədri Əli Hüseynli layihələr barədə məlumat verib.

 

“Qeyri hökumət təşkilatları (ictimai birliklər və fondlar) haqqında” qanuna əlavə edilən maddə 24-2.-də bildirilir ki, qeyri hökumət təşkilatı tərəfindən bu qanunun 24.0.3-cü maddəsində nəzərdə tutulmuş xidmətlərin göstərilməsi və işlərin görülməsi müqavilə əsasında həyata keçirilir. Xarici maliyyə mənbələri hesabına xidmətlərin göstərilməsi və  ya işlərin görülməsi haqqında müqavilə qeydə alınması üçün qeyri hökumət təşkilatı tərəfindən müvafiq icra hakimiyyəti orqanına təqdim olunmalıdır. Müqavilə olmadan və ya qeydiyyata alınmamış müqavilə üzrə xidmətlər göstərən və ya işlər görən qeyri hökumət təşkilatı İnzibati Xətalar Məcəlləsinə əsasən məsuliyyət daşıyacaq.

 

“Qrant haqqında” qanunun 2-ci maddəsinə əlavə edilən hissədə isə deyilir ki, “qrant vermək hüququnun əldə edilməsi üçün müvafiq icra hakimiyyəti orqanının qrantın maliyyə-iqtisadi məqsədəmüvafiqliyinə dair rəyi tələb olunur”.

 

Qanunun 2-ci maddəsinə əlavə edilən 5-1-ci hissədə isə bildirilir ki, “donorlar tərəfindən qrant vermək hüququnun əldə edilməsi qaydası müvafiq icra hakimiyyəti orqanı tərəfindən müəyyən edilir”.

 

Qanunun 4-cü maddəsinə əlavə edilən 4-2-ci hissədə bildirilir ki, “qrant müqavilələrinin (qərarların) qeydə alınması qaydası müvafiq icra hakimiyyəti orqanı tərəfindən müəyyən edilir.

 

Müzakirələrdən sonra layihələr plenar iclasa tövsiyə olunub.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • azerbaycan moldova diplomatik elaqelerinin 25 illiyine hesr olunmus konfrans kecirilib
    Azərbaycan-Moldova diplomatik əlaqələrinin 25 illiyinə həsr...
  • metbuat surasinin sedri islamiada azerbaycanin islam dunyasinda aparici olke oldugunu subut etdi
    Mətbuat Şurasının sədri: “İslamiada Azərbaycanın İslam dünya...
metbuat surasinin sedri islamiada azerbaycanin islam dunyasinda aparici olke oldugunu subut etdi metbuat surasinin sedri islamiada azerbaycanin islam dunyasinda aparici olke oldugunu subut etdi +2
MƏZƏNNƏ
FOREX
/ 25 May, 2017

USD
1.7021
 
EUR
1.9029
 
RR
0.0302
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ