Parlamentdaxili məsuliyyəti pozan deputat mandatdan məhrum edilə bilər

parlamentdaxili mesuliyyeti pozan deputat mandatdan mehrum edile biler

Milli Məclis üzvünün parlamentdaxili məsuliyyəti ilə bağlı tələblər artırılıb.

 

APA-nın məlumatına görə, bu, Azərbaycan Respublikası Milli Məclisi Daxili Nizamnaməsinin 45-ci (Milli Məclis deputatının parlamentdaxili məsuliyyətinin əsasları) və 46-cı ( Parlamentdaxili məsuliyyətə cəlb olunan Milli Məclisin deputatına tətbiq edilən intizam tədbirləri) maddəsinə təklif olunan yenilikdə göstərilib.

 

Layihəyə əsasən, Nizamnamənin 45-ci maddəsinə deputatın parlamentdaxili məsuliyyəti ilə bağlı aşağıdakı tələblər əlavə olunur:

 

- Konstitusiyanın 93-cü maddəsinin III hissəsinin tələbini pozduqda;

 

- Deputat üçün qanunla müəyyən edilmiş etik davranış qaydalarını pozduqda;

 

Maddədə hazırda qüvvədə olan tələblər isə bunlardır:

 

- Milli Məclisin və onun komitə və komissiyalarının iclaslarının aparılmasına mane olduqda;

 

-  Milli Məclisin və onun komitə və komissiyalarının iclaslarında çıxış edənlərin sözünü kəsdikdə;

 

- Milli Məclisin və onun komitə və komissiyalarının iclaslarının normal gedişini və iş qaydasını pozduqda;

 

- Milli Məclisin və onun komitə və komissiyalarının iclaslarında insanın şərəf və ləyaqətini alçaldan kobud, təhqiramiz sözlərə və hərəkətlərə yol verdikdə, qanunsuz hərəkətlərə çağırdıqda;

 

- Milli Məclis deputatının yüksək adına xələl gətirən hərəkətlər etdikdə;

 

- “Korrupsiyaya qarşı mübarizə haqqında” Azərbaycan Respublikası Qanununun 5.1-ci maddəsində müəyyən edilmiş tələblərə əməl etmədikdə və ya həmin Qanunun 9-cu maddəsində göstərilən hüquqpozmaları törətdikdə (onlar inzibati və ya cinayət məsuliyyəti yaratmadıqda);

 

- Milli Məclisin və onun komitə və komissiyalarının iclaslarında üzrsüz səbəbdən iştirak etmədikdə

 

Deputat parlamentdaxili məsuliyyətə cəlb oluna bilər.

 

Təklif olunan tələblərə əsasən isə Milli Məclisin deputatı ilə bağlı aşağıdakı intizam tədbiri də əlavə olunur:

 

- Deputatın mandatdan məhrum edilməsi;

 

Maddənin hazırda qüvvədə olan variantında intizam tədbirləri bunlardır:

 

- xəbərdarlıq;

 

- söz kəsmə;

 

- iclas salonundan çıxarma;

 

- töhmət;

 

- deputat səlahiyyətlərinin itirilməsi.

 

Layihə parlamentin birgə komitələrinin bugünkü iclasında müzakirəyə çıxarılır.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • natiq eliyev bazarda stabilliyin qorunmasi ucun neft hasilati azaldilmalidir
    Natiq Əliyev: "Bazarda stabilliyin qorunması üçün neft hasil...
  • bakida xezer ve merkezi asiya neft emali neft kimya ticaret ve logistika forumu kecirilir
    Bakıda "Xəzər və Mərkəzi Asiya - Neft Emalı, Neft-kimya, Tic...
bakida xezer ve merkezi asiya neft emali neft kimya ticaret ve logistika forumu kecirilir bakida xezer ve merkezi asiya neft emali neft kimya ticaret ve logistika forumu kecirilir +2
MƏZƏNNƏ
FOREX
/ 25 Aprel, 2017

USD
1.7022
 
EUR
1.8492
 
RR
0.0305
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ