“Neftçi” İtaliyadan baş məşqçi gətirir

neftci italiyadan bas mesqci getirir

“Neftçi”nin yeni baş məşqçisinin adına aydınlıq gəlib. Apasport.az saytının məlumatına görə, “ağ-qaralar” italiyalı Roberto Bordinlə danışıqları müsbət yekunlaşdırıblar.

 

İtaliya mətbuatının yazdığına əsasən, 53 yaşlı çalışdırıcı ilə 2 illik müqavilə imzalana bilər.

 

Bordinin məşqçilik karyerası isə o qədər də zəngin deyil.

 

Belə ki, 1982-ci ildən 2005-ci ilədək futbol oynayan mütəxəssis “Sanremese”, “Taranto”, “Parma”, “Çezina”, “Atalanta”, “Napoli”, “Pyaçentsa”, “Trestina”, “Spenziya” və “Viçentsa” klublarının formasını geyinib. O, 2005/2006 mövsümündə isə məşqçi kimi fəaliyyətə başlayıb. “Boloniya”, “Padova”, “Syena”, “Sassuolo”, “Verona” (hamısı İtaliya) və “Kluj”da (Rumıniya) köməkçi işləyib. Bordin 2016-cı ildə baş məşqçi təyin edilib. O, C seriyasında mübarizə aparan “Trestina”nın “sükanı arxasına” keçib. Həmin il Moldovadan təklif alan çalışdırıcı son 2 ildə “Şerif”in baş məşqçisi olub.

 

Maraqlıdı ki, italiyalı Tiraspol klubu ilə Azərbaycana da səfər edib. O, Çempionlar Liqasının ötən mövsümünün III təsnifat mərhələsində Qurban Qurbanovun çalışdırdığı “Qarabağ”la qarşılaşıb və məğlubiyyətə üzülüb. Buna baxmayaraq, “Şerif” çıxışını davam etdirib və onlar Avropa Liqasının qrupunda da mübarizə aparıblar.

 

Bordinin baş məşqçi kimi uğurlarına gəlincə, o, 2 dəfə Moldova çempionu və eyni sayda ölkə kubokunun sahibi olub. “Şerif” həmçinin onun rəhbərliyi altında Moldova Superkubokuna da yiyələnib.

 

Qeyd edək ki, "Neftçi" mayın 31-də baş məşqçi Tərlan Əhmədovla başa çatan müqaviləni yeniləməmişdi. 

BÖLMƏDƏN DİGƏR XƏBƏRLƏR

XƏBƏR LENTİ

09:01 20 İyun
15:50 19 İyun
TOP 5

VİDEO XƏBƏRLƏR

FOTO XƏBƏRLƏR

  • bakida isiqforun islememesi avtoqezaya sebeb olub
    Bakıda işıqforun işləməməsi avtoqəzaya səbəb olub
  • sirvan milli parkinin erazisinde raketler askarlanib
    Şirvan Milli Parkının ərazisində raketlər aşkarlanıb
sirvan milli parkinin erazisinde raketler askarlanib sirvan milli parkinin erazisinde raketler askarlanib +2
MƏZƏNNƏ
FOREX
/ 20 İyun, 2018

USD
1.7
 
EUR
2.0067
 
RR
0.0272