FHN əməkdaşları arasında keçirilmiş şahmat çempionatı başa çatıb

Yanvarın 23-27-də Fövqəladə Hallar Nazirliyinin (FHN) qurumları arasında keçirilmiş şahmat çempionatı başa çatıb.

 

APA-nın xəbərinə görə, çempionat FHN-nin İdman-sağlamlıq klubu və Həmkarlar İttifaqının təşkilatçılığı ilə baş tutub.

 

FHN-nin İdman-sağlamlıq klubunun rəisi, polkovnik Füzuli Musayev bildirib ki, Nazirliyin Tikintidə Təhlükəsizliyə Nəzarət Dövlət Agentliyində təşkil olunan çempionatda 14 komandadan 60-a yaxın əməkdaş iştirak edib.

 

Onun sözlərinə görə, yarış həm şəxsi, həm də komanda hesabında İsveçrə sistemi üzrə keçirilib, komandaların tərkibində 3 əsas və 1 ehtiyat oyunçu yer alıb.

 

Komanda hesabında 1-ci yeri Tikintidə Təhlükəsizliyə Nəzarət Dövlət Agentliyi, 2-ci yeri Dövlət Yanğından Mühafizə Xidməti, 3-cü yeri isə Xüsusi Riskli Xilasetmə Xidmət tutub. Komanda və şəxsi hesabda qalib gələnlər diplom, kubok, medal və qiymətli hədiyyələrlə mükafatlandırılıblar.

 

Daha sonra fövqəladə hallar naziri, general-polkovnik Kəmaləddin Heydərovun Nazirlik sistemində 2015-ci ildə idmanın ayrı-ayrı növləri üzrə keçirilmiş yarışlarda əldə etdikləri nəticələrə və idmanın təbliğində göstərdikləri xidmətlərə görə bir qrup FHN əməkdaşına təşəkkürü çatdırılıb və Fəxri fərmanlar təqdim olunub.  

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • prezident ilham eliyev wilmotte associ s architectes sirketinin icraci direktoru ile gorusub
    Prezident İlham Əliyev “Wilmotte & Associés Architectes” şir...
  • azerbaycan prezidenti suez qrupunun bas icraci direktoru ile gorusub
    Azərbaycan prezidenti “SUEZ” qrupunun baş icraçı direktoru i...
azerbaycan prezidenti suez qrupunun bas icraci direktoru ile gorusub azerbaycan prezidenti suez qrupunun bas icraci direktoru ile gorusub +2
MƏZƏNNƏ
FOREX
/ 20 İyul, 2018

USD
1.7
 
EUR
1.9801
 
RR
0.027