Bakı-APA. Rio-2016 Paralimpiya oyunlarında Azərbaycan millisi ilk qızıl medalını qazanıb.
Apasport.az saytının məlumatına görə, cüdoçumuz Ramil Qasımov mötəbər turniri qələbə ilə başa vurub.
Yarışa 1/4 final mərhələsindən başlayan təmsilçimiz ilk olaraq kubalı Cerardo Rodrigezi məğlub edib. Yarımfinalda alman Nikolay Kornhassı yolundan kənarlaşdıran idmançımız qızıl medal uğrunda ukraynalı Dmitro Soloveylə üz-üzə gəlib.
Rəqibini ipponla məğlub edən Qasımov Paralimpiya Oyunlarında millimizə ilk qızıl medalını qazandırıb.
Qeyd edək ki, yarışların ilk günündə daha bir cüdoçu Bayram Mustafayev gümüş medal qazanıb.
***
22:51
Bakı-APA. Azərbaycan cüdoçusu Ramil Qasımov (73 kq) Rio-de-Janeyroda keçirilən Paralimpiya Oyunlarının finalına yüksəlib.
APA-nın məlumatına görə, Ramil Qasımov Almaniya təmsilçisi Nikolay Kornhassa qalib gələrək finala vəsiqə qazanıb.
Qızıl medal uğrunda görüşdə cüdoçumuz ukraynalı Dmitri Soloveylə görüşəcək.