Prezident alban həmkarını qəbul edib - YENİLƏNİB

prezident alban hemkarini qebul edib yenilenib

Azərbaycan prezidenti İlham Əliyev Albaniya prezidenti Buyar Nişani ilə görüşüb.

 

APA-nın məlumatına görə, Albaniya prezidenti Buyar Nişani V Qlobal Bakı Forumuna dəvətə görə prezident İlham Əliyevə minnətdarlığını bildirib, dövlət başçısı ilə görüşməkdən məmnunluq hissi keçirdiyini deyib.

 

Prezident Buyar Nişani Qlobal Bakı Forumunun beynəlxalq əməkdaşlığın genişləndirilməsi baxımından önəmini vurğulayıb. Albaniya prezidenti Buyar Nişani prezident İlham Əliyev ilə görüşünün münasibətlərimizin perspektivlərinin müzakirəsi baxımından əhəmiyyətini qeyd edib.

 

Albaniya prezidentinin V Qlobal Bakı Forumunda iştirakından məmnunluğunu ifadə edən prezident İlham Əliyev bu forumun müzakirələrin aparılması baxımından vacib beynəlxalq tədbir olduğunu vurğulayıb. Dövlət başçısı Azərbaycan ilə Albaniya arasında ikitərəfli münasibətlərin uğurla inkişaf etdiyini və yaxşı perspektivləri olduğunu deyib. Hər iki ölkənin enerji sektorunda yaxşı tərəfdaşlar olduğunu qeyd edən prezident İlham Əliyev Bakıda Cənub Qaz Dəhlizi Məşvərət Şurası çərçivəsində keçirilən nazirlərin üçüncü toplantısında albaniyalı nazirin iştirakının önəmini vurğulayıb.

Dövlət başçısı “Cənub Qaz Dəhlizi” layihəsinin çox uğurla həyata keçirildiyini bildirib. Azərbaycan ilə Albaniyanın siyasi əlaqələrinin çox yaxşı səviyyədə olduğunu deyən prezident İlham Əliyev ölkələrimiz arasında yüksək səviyyədə qarşılıqlı dəstəyin və beynəlxalq təşkilatlar çərçivəsində də yaxşı əməkdaşlığın olduğunu qeyd edib, bu əməkdaşlığın gələcəkdə də davam etdiriləcəyinə əminliyini bildirib. Azərbaycan ilə Albaniya arasında qarşılıqlı ticarət dövriyyəsinin artırılması istiqamətində işlərin görülməsinin vacibliyini bildirən dövlət başçısı bunun ölkələrimizin qarşısında duran əsas məqsədlərdən biri olduğunu deyib.

 

*** 16.52

 

Prezident İlham Əliyev Albaniya Respublikasının prezidenti Buyar Nişani ilə görüşüb.

 

APA-nın xəbərinə görə, B. Nişani V Qlobal Bakı Forumu ilə əlaqədar Azərbaycanda səfərdədir.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • dil pozuntularinin qarsisini almaq ucun ceza tedbirleri hazirlanacaq
    Dil pozuntularının qarşısını almaq üçün cəza tədbirləri hazı...
  • nazirlik 80 elili istirahete gonderib
    Nazirlik 80 əlili istirahətə göndərib
nazirlik 80 elili istirahete gonderib nazirlik 80 elili istirahete gonderib +2
MƏZƏNNƏ
FOREX
/ 30 May, 2017

USD
1.702
 
EUR
1.8939
 
RR
0.0301
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ