Bakı. Aqşin Rafiqoğlu – APA-Economics. Ötən il Azərbaycanda əhaliyə 19,7 mlrd. manatlıq istehlak malları satılıb və 9,9% artıb, pullu xidmətlərin həcmi isə 8,2% artaraq 6,5 mlrd. manata çatıb.
«APA-Economics»in Dövlət Statistika Komitəsinə istinadən verdiyi məlumata görə, istehlak bazarından alınmış məhsulların 51,7%-ni ərzaq məhsulları, 48,3%-ni qeyri-ərzaq malları təşkil edib, ərzaq məhsullarının satışı 2,3%, qeyri-ərzaq mallarının satışı isə 20,2% artıb.
İstehlakçıların pərakəndə ticarət şəbəkələrində xərclədikləri vəsaitin 51,7%-i qida məhsulları və içkilər, 1,7%-i tütün məmulatları, 19,3%-i toxuculuq malları, geyim və ayaqqabı, 4,4%-i elektrik malları və mebel, 1,2%-i kompüter avadanlıqları, kitab və digər çap məmulatları, 1,2%-i əczaçılıq və tibb malları, 6,4%-i avtomobil yanacağı, 14,1%-i isə digər qeyri-ərzaq mallarının alınmasına sərf olunub.
Ötən il ölkənin hər bir sakini ticarət şəbəkəsindən orta hesabla 2 114,3 manatlıq və ya 2012-ci illə müqayisədə 200,7 manat və ya 10,5% çox müxtəlif istehlak malları alıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
