Bakı – APA. İran nümayəndə heyəti “Cenevrə-2” beynəlxalq konfransında iştirak məsələsində israr etmir.
APA – nın məlumata görə, bunu “RİA Novosti”yə açıqlamasında İran xarici işlər nazirinin müavini Hüseyn Əmir Abdullahian deyib.
Qeyd edək ki, BMT baş katibi Pan Gi Mun “Cenevrə-2”də iştirakla bağlı İrana göndərdiyi dəvəti geri götürüb.
“İran tərəfi konfransda iştirakla bağlı öz mövqeyini açıqlayıb. Lakin ABŞ-ın İrana müəyyən şərtlər irəli sürülməsi ilə bağlı israrlı mövqeyi üzündən biz bu konfransda iştirak etməyəcəyik”, - deyə o vurğulayıb.
H. Abdullahian ABŞ-ın irəli sürdüyü tələbləri məntiqsiz kimi xarakterizə edib.