Bakı. Aqşin Rafiqoğlu – APA-Economics. Azərbaycan Dövlət Neft Şirkəti (ARDNŞ) bu ilin noyabr ayında dövlət büdcəsinə vergi şəklində 163,344 mln. manat ödəyib.
ARDNŞ-dən «APA-Economics»ə verilən məlumata görə, bu, ötən ilin noyabr ayına nisbətən 27,6% çoxdur.
Ümumiyyətlə, bu ilin yanvar-noyabr aylarında büdcəyə 1 487,412 mln. manat vəsait ödənilib. Bu göstərici ötən ilin müvafiq dövrü ilə müqayisədə 15,5% çox olub.
Bundan əlavə, noyabrda ARDNŞ Dövlət Sosial Müdafiə Fonduna 14,275 mln. manat vəsait köçürüb. Bu isə ötən ilin noyabr ayına nisbətən 9,9% çoxdur.
Ümumiyyətlə, bu ilin yanvar-noyabr aylarında ARDNŞ tərəfindən Dövlət Sosial Müdafiə Fonduna ödəniş ötən ilin 11 ayına nisbətən 2,2% artaraq 147,765 mln. manata çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
