Marneuli. Nizami Məmmədzadə-APA. “Gürcüstanda mina partlamasından yaralanan azərbaycanlı hələ komadan çıxmayıb.”
Bunu APA-nın Gürcüstan bürosuna Marneuli rayonunun Qaçağan kəndinin sabiq icra nümayəndəsi Arif Məmmədov deyib.
Onun sözlərinə görə, minaya düşən Qaçağan kənd sakini Sərxan Musayev hələ komadan ayılmayıb: “Dünən onun ailə üzvləri xəstəxanada olublar. Vəziyyəti ağır olaraq qalır. Bədəninin bir hissəsi parçalanıb, bir ayağı yoxdur”.
Qeyd edək ki, martın 31-də Gürcüstanın Marneuli rayonunun Qaçağan kənd sakini, soydaşımız Sərxan Musayev Azərbaycanla sərhədin yaxınlığında minaya düşüb.