Bakı - APA. UNESCO-nun sabiq baş direktoru Federiko Mayor Zaragoza Nizami Gəncəvi Beynəlxalq Mərkəzi Qəyyumlar Şurasının həmsədri, İsgəndəriyyə Kitabxanasının direktoru İsmail Seragəldinin dəvəti ilə mərkəzin Qəyyumlar Şurasının üzvü olub.
Mərkəzdən APA-ya verilən məlumata görə, Federiko Mayor Zaragoza Şuranın mayın 4-5-də keçiriləcək ali toplantısında və Nizami Gəncəvi Beynəlxalq Mərkəzi ilə Madrid Klubunun birgə təşkil etdiyi “Cənubi Qafqaz Forumu”nda iştirak edərək əsas plenar sessiyaya rəhbərlik edəcək.
O, cavab məktubunda UNESCO-nun rəhbəri olduğu dövrdə Azərbaycan prezidenti Heydər Əliyevlə yaranmış xüsusi dost münasibətləri, Azərbaycanın dünya mədəniyyətində oynadığı əhəmiyyətli rolu, son dövrlərdə Azərbaycanın UNESCO-nun fəaliyyətində, mədəni və tarixi irsin qorunmasında, beynəlxalq layihələrdəki əhəmiyyətli fəaliyyətini vurğulayaraq yenidən bu ölkəyə səfər etmək imkanının olmasından məmnunluğunu vurğulayıb.
Qeyd edək ki, Federiko Mayor Zaragoza 1978-1987-ci illərdə UNESCO-nun direktor müavini, 1987-1999-cu illərdə rəhbəri olaraq dünya mədəniyyətində aparıcı simalardan biri olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
