Bakı. Məlahət Nəcəfova - APA. Malinin paytaxtı Bomako şəhərində “Radisson” otelində 170 nəfəri girov saxlayan silahlı şəxslər onların bir hissəsini azad ediblər. APA-nın “Reuters”ə istinadən verdiyi məlumata görə, onların əksəriyyəti “Quran”dan sitat gətirə bilən insanlar olub.
Qeyd edilir ki, hücum zamanı terrorçular İslam dininə məxsus şüarlarla qışqırıblar. Otelin təhlükəsizlik xidmətinin azı 2 əməkdaşı xəsarət alıb.
Xatırladaq ki, sayı 10-a yaxın olduğu deyilən silahlı şəxslər 140-ı qonaq və 30-u otel əməkdaşı olan 170 nəfəri “Radisson” otelində girov götürüb. Hüquq-mühafizə orqanı əməkdaşları ilə terrorçular arasında atışma gedir.