Bakı. Ramiz Mikayıloğlu - APA. Nazirlər Kabineti “Yuxarı Baş” Dövlət tarix-memarlıq qoruğunun xəritəsinin təsdiq edilməsi haqqında qərar verib.
APA-nın məlumatına görə, qərarı baş nazirin müavini Abid Şərifov imzalayıb.
Qərar imzalandığı gündən qüvvəyə minir.
Qeyd edək ki, bu qərar prezidentin “Şəki şəhərinin tarixi hissəsinin qorunması haqqında” 2016-cı il 19 yanvar tarixli qərarına əsasən qəbul edilib. Şəki Xan sarayı da daxil olmaqla, “Yuxarı Baş” Dövlət Tarix Memarlıq qoruğu şəhərin ümumi ərazisinin üçdə birini təşkil edir.