Bakı. Türbət Bağırova - APA. ABŞ-ın Kaliforniya ştatının Qlendeyl şəhərində “Armenian Power” adlı cinayətkar qrupun iki üzvü yaxalanıb.
APA-nın “news.am” saytına istinadən verdiyi xəbərə görə, onlar qanunsuz silah və narkotik vasitələr saxlamaqda şübhəli bilinirlər. Polisin məlumatında deyilir ki, 25 yaşlı Akop və 23 yaşlı Berq Naapetyanlar dekabrın 17-də Şimali Hollivudda saxlanılıblar. Evdə aparılan axtarış nəticəsində külli miqdarda silah-sursat tapılıb.
Berq Naapetyan 35 min dollar girov müqabilində azadlığa buraxılıb. Akop Naapetyan isə əvvəllər şərti həbs cəzası aldığı üçün azad edilməyib.