Bakı – APA. Krımda Azərbaycan baş naziri Artur Rəsizadənin atasının adı “Xatirə kitabı”na salınıb.
Krımdakı Azərbaycanlı İcmasının rəhbəri Rəhim Hümbətovun APA-ya verdiyi məlumata görə, “Xatirə kitabı”nda “Onlar Kerç yarımadası uğurunda döyüşlərdə ölüblər” bölməsinə kiçik leytenant Tahir Məmməd oğlu Rasizadənin adı əlavə olunub.
T. Rasizadə 1942-ci ilin fevralında Kerç bölgəsində gedən döyüşlər zamanı itkin düşüb. Onun adı kitaba Krımdakı Azərbaycanlı İcmasının təşəbbüsü ilə salınıb.