Şəki. Vüqar Heydərov-APA. Şəkidə 18 yaşlı gənc atasına məxsus maşınla qəza törədib.
Şəki Rayon Mərkəzi Xəstəxanasından (RMX) APA-nın Şəki-Zaqatala bürosuna verilən məlumata görə, fevralın 14-də baş verən yol qəzasında Şəki şəhər sakini, 1998-ci il təvəllüdlü Eyvaz Vüqar oğlu Musayev aldığı müxtəlif dərəcəli bədən xəsarətləri ilə xəstəxanaya daxil olub.
Xəstəxananın reanimasiya şöbəsinə yerləşdirilən 18 yaşlı E. Musayevə qarnının qapalı travması və sol bud sümüyünün yerdəyişən sınığı diaqnozu qoyulub, vəziyyəti orta-ağır qiymətləndirilir.
Şəki Şəhər-Rayon Polis Şöbəsindən APA-ya verilən məlumata görə, hadisə şəhərin M. F. Axundov küçəsində qeydə alınıb. E. Musayev atasına məxsus “Mercedes” markalı, 10 CE 192 dövlət nömrə nişanlı avtomobillə hərəkətdə olarkən idarəetməni itirməsi səbəbindən maşını yolun kənarındakı daş hasara çırpıb. Nəticədə E. Musayev xəsarət alıb.
Faktla bağlı Şəki ŞRPŞ-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
