Oktyabrın 18-də ölkə boyu ABŞ prezidenti Donald Trampın siyasətinə qarşı nümayişlər keçiriləcək.
APA xəbər verir ki, bu haqda “No Kings” aksiya təşkilatçıları məlumat veriblər.
“Oktyabrın 18-də milyonlarla insan bir daha dünyaya nümayiş etdirmək üçün çıxacaq ki, ABŞ-ın kralları yoxdur, hakimiyyət xalqındır”, - məlumatda deyilir.
"İyun ayında dünya xalqın qüdrətini gördü və prezident Trampın özünə tacqoyma mərasimi keçirmək cəhdi Trampın səlahiyyətlərindən sui-istifadəsinə qarşı çıxan insanların müqaviməti altında uğursuzluğa düçar oldu. İndi o, səylərini ikiqat artırır - ordunu icmalarımıza göndərmək, seçicilərin səsvermə hüququndan məhrum etmək, milyarderlərə hədiyyələr paylamaq. Demokratiya diktaturaya qarşı”, - təşkilatçılar qeyd ediblər.
Oktyabrda ölkə üzrə nümayişə ən azı 5-6 milyon insanın çıxacağını gözləyirlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
