Mingəçevirdə üzərində qanunsuz olaraq odlu silah və sursat gəzdirən şəxs tutulub. Şəhər polis şöbəsindən APA-nın yerli bürosuna verilən məlumata görə, keçirilən əməliyyat-axtarış tədbirləri nəticəsində 1977-ci il təvəllüdlü Vaqif Hüseynov şübhəli şəxs qismində saxlanılıb. Polis əməkdaşları onun üzərinə baxış keçirən zaman 1 ədəd 12 kalibr kustar üsulla hazırlanmış lüləsi kəsik odlu silah, sellofan torbanın içərisində sink qutuda 357 ədəd pulemyot və 20 ədəd avtomat gülləsi aşkarlanaraq götürülüb. Vaqif Hüseynov silah-sursatı haradan əldə etmədi barədə dəqiq məlumat verməyib. O, silahı tapdığını bildirib. Saxlanılan şəxsin əvvələr məhkumluq həyatı yaşadığı bildirilir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
