Gürcüstanda genişmiqyaslı infrastruktur layihələri həyata keçiriləcək.
APA-nın yerli bürosunun məlumatına görə, bunu ölkənin baş naziri Giorgi Kvirikaşvili hökumətin iclasında deyib.
“Gələn ildən etibarən misilsiz genişmiqyaslı layihələri gerçəkləşdirməyi planlaşdırırıq. 2018-ci ildən başlayacaq layihələrin əksəriyyəti hazırlıq mərhələsindədir”, - deyə baş nazir bildirib.
G. Kvirikaşvili qeyd edib ki, Gürcüstanın infrastrukturu əhəmiyyətli dərəcədə dəyişəcək.