ABŞ administrasiyasının yüksək vəzifəli rəsmiləri İranla müharibənin Prezident Donald Trampın səlahiyyət müddətinin sonunadək başa çatmaya biləcəyini istisna etmirlər.
Bu barədə “The Wall Street Journal” (WSJ) mənbələrə istinadən məlumat yayıb.
Nəşrin məlumatına görə, vitse-prezident Cey Di Vens, dövlət katibi Marko Rubio və administrasiyanın digər nümayəndələri Oval kabinetdə və Ağ Evin Situasiya otağında keçirilən iclaslarda bu ehtimalı Donald Trampın diqqətinə çatdırıblar.
Rəsmilər hesab edirlər ki, blokada və hərbi əməliyyatlara baxmayaraq, Tehran Vaşinqtonun təzyiqlərinə müqavimət göstərməyə davam edə bilər. Bu halda münaqişənin ABŞ-nin növbəti prezidentinin 2029-cu ilin yanvarında keçiriləcək inauqurasiyasından sonra da davam etməsi mümkündür.
WSJ qeyd edir ki, Cey Di Vens və Marko Rubio 2028-ci il prezident seçkilərində Respublikaçılar Partiyasından potensial namizədlər hesab olunurlar.
Nəşrin qiymətləndirməsinə görə, müharibənin uzanması ABŞ-nin hərbi resurslarına yükü artıra, eyni zamanda 2028-ci il prezident seçkiləri ərəfəsində qlobal enerji bazarlarında uzunmüddətli fasilələrə və qeyri-sabitliyə səbəb ola bilər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
