#

USD 1.7

#

Bakı 20 °C

# Ödənişli xəbərlər
AZ RU EN FA FR

Gece modu

BÜTÜN XƏBƏRLƏR

SİYASƏT

#

XƏBƏR

#

Dünya xəbərləri

#

İqtisadiyyat xəbərləri

#

İdman xəbərləri

#

Mədəniyyət xəbərləri

#

Təhlil

#

Bloqlar

#

Şirkət

#

TOP 10

#

APA TV

#

© 2004 - 2026 Bütün müəllif hüquqları qorunur.

# #

Ömür yoldaşı

Bank Of Baku

Firdovsi Umudov: “Qayınanama demişdilər ki, Firdovsi adam döyəndir…”

# 11:33
10 may 2017
Mercedes-Benz GLS

“Mən uşaq vaxtı davakar olmuşam… Qayınanama demişdilər ki, Firdovsi adam döyəndir. Onunla özüm görüşdüm. Dedim, tanımaq istəyirsinizsə, mən buyam”.

APA TV-nin  “Ömür yoldaşı” proqramının qonağı - Beynəlxalq dərəcəli idman ustası, sərbəst  güləş üzrə böyüklərdən ibarət Azərbaycan yığma komandasının baş məşqçisi, “Şöhrət” ordenli, Dövlət Sərhəd Qoşunlarının polkovnik-leytenantı  Firdovsi Umudov bəyəndiyi qıza elçi düşəndə ağılagəlməz  manelərlə qarşılaşdığını bildirib: “Qız evinə yalandan demişdilər ki, guya, mən evil olmuşam, hətta uşaqlarım da var”.

Ömür yoldaşı-pediatr Nazlı Vəliyeva  Firdovsi Umudovu tanıdığı vaxtlar onun çox zəhmli görünməsindən ehtiyatlandığını söyləyib, zaman keçdikcə isə qənaətinin tam əksini müşahidə edib:

“İndi çoxlarına qəribə görünə bilər. Amma o, anama yaxınlaşmamış  mənə yaxınlaşmadı. Dediyindən dönməməsi xoşuma gəldi”.

Firdovsi Umudov da qərarında israrlı olduğunu qeyd edib: “Elə bilirdi ki, ən kobud adam mənəm. Axtardığım hər şeyi  sevdiyim xanımın simasında tapmışdım. Ömründə simfoniyaya qulaq asmamışdım. Nazlı xanımın sayəsində belə konsertlərə də gedirdim. Onun təbiətə vurğunluğu, mənəvi zənginliyi məni cəlb edirdi”.

Ailə qurandan sonra bir-birinə dəyər verən tərəflər qarşıya çıxan çətinliklərin öhdəsindən anlayışla gəliblər.  

“Firdovsi müəllim milli mətbəximizin bütün nümunələrini sevir. Gərək süfrədə 2-3 cür yemək olsun”- deyən Nazlı xanım evlərində ancaq oxumaqla məşğul olduğunu, evdarlıq dərslərini “hər barmağında bir mərifət  olan” qayınanası Başxanım anadan öyrəndiyini qeyd edib.

Yarışlarda, məşqlərdə qaynar idman həyatı yaşayan, sevdiyi xanımla xoşbəxt olduğunu  etiraf edən Firdovsi Umudov harada olursa-olsun ailəsindən güc aldığını söyləyib:  “Ailəmlə danışanda rahat oluram” - deyib.

Firdovsi Umudov  uşaqların təhsili və tərbiyəsi ilə bağlı xanımının üzərinə daha çox ağırlıq düşdüyünü, onun daha tələbkar olduğunu bildirib. “Hətta bəzən uşaqlar mənə analarından şikayət də edirlər”- deyib.

Nazlı xanım deyir ki, Firdovsi müəllim övladları ilə mülayim davranır, ailəsinə də çox bağlıdır: “Qanı qara olanda onu dindirib-söylətmirik, bilirik ki, çox böyük yük, məsuliyyət var çiyinlərində. Biz də  çalışırıq onu qoruyaq ki, hər zaman öndə olsun”.

 

DİGƏR XƏBƏRLƏR

#
#

ƏMƏLİYYAT İCRA OLUNUR