Şəkidə şagirdlər arasında kütləvi xəstəlik yayıldı
Şəkidə İnteqrasiya təlimli internat tipli gimnaziya 21 günlük karantin tətbiq edilib. Buna səbəb şagirdlər arasında yayılan qızılca xəstəliyidir. 2023-cü il 24 sentyabr tarixində gimnaziyada şagirdlərdən birində qızılca virusuna yoluxma halı qeydə alınıb və həmin şagird xəstəxanaya yerləşdirilib. Növbəti günlərdə eyni hal digər şagirdlərdə də müşahidə olunub və şagirdlər həkim müayinəsindən sonra xəstəxanaya yerləşdirilib. Gimnaziyada son yoluxma halı oktyabrın 11-də qeydə alınıb. Əldə olunan məlumata görə, qızılca xəstəliyi yayılmağa başlayan tarixdən son yoluxma gününə kimi 20-dən yuxarı şagirddə, bir tərbiyəçidə və bir texniki işçidə qızılcaya yoluxma qeydə alınıb. Gimnaziyada yoluxma qeydə alınan gündən Şəki rayon Gigiyena və Epidemiologiya Mərkəzinin həkimləri tərəfindən təhsil müəssisəsində lazımi dezinfeksiya işləri aparılıb. Aparılan araşdırmalar zamanı məlum olub ki, gimnaziyada yoluxmaya səbəb qonşu rayondan gələn uşaqlar olub. Şəki rayon Gigiyena və Epidemiologiya Mərkəzi tərəfindən tərtib edilən akta əsasən gimnaziyada son yoluxma tarixindən 21 gün müddətinə karantin tətbiq olunub. Gimnaziya yeni şagird qəbulu və digər sakinlərin giriş-çıxışı üçün 21 gün müddətinə bağlanılıb. Yeni yoluxma halı qeydə alınmasa noyabrın 2-si karantin müddəti başa çatacaq, gimnaziyaya giriş-çıxış əvvəlki qaydalara uyğun bərpa ediləcək. Qeyd edək ki, Şəki İnteqrasiya təlimli internat tipli gimnaziyası şəhərin Yuxarı Baş adlanan tarixi mərkəzində yerləşir. Gimnaziya 150 şagird yerlikdir. Gimnaziyada Şəki ilə yanaşı qonşu Yevlax, Mingəçevir, Bərdə və digər rayonlardan olan imkansız ailələrin uşaqları təhsil alır.
Vüqar Heydərov,
Əhməd Fərruxoğlu,
APA TV, Şəki
DİGƏR XƏBƏRLƏR
![Qəbələnin Mirzəbəyli kəndinin sakinləri görün sudan necə istifadə edirlər](https://apa.az/storage/apa-tv/news/2024/june/06/big/66619f1bb8c1066619f1bb8c11171767375566619f1bb8c0c66619f1bb8c0e.jpg)
Qəbələnin Mirzəbəyli kəndinin sakinləri görün sudan necə istifadə edirlər
![Balakəndə ot biçməyə gələn fəhlələr, ev sahibinin qurd düşmüş meyitini tapdı](https://apa.az/storage/apa-tv/news/2024/june/06/big/66619219d7e3d66619219d7e3e171767042566619219d7e3b66619219d7e3c.jpg)
Balakəndə ot biçməyə gələn fəhlələr, ev sahibinin qurd düşmüş meyitini tapdı
![Silinən zolaqlar, xarab işıqforlar, yoxa çıxan nişanları– Bu yollara niyə nəzarət yoxdur?](https://apa.az/storage/apa-tv/news/2024/june/06/big/666151e0218cf666151e0218d01717653984666151e0218cd666151e0218ce.jpg)
Silinən zolaqlar, xarab işıqforlar, yoxa çıxan nişanları– Bu yollara niyə nəzarət yoxdur?
![Əli Əhmədov: “Fermer 7 manat 40 qəpik verməklə 1000 manatlıq buğdanı sığortalayır”](https://apa.az/storage/apa-tv/news/2024/june/05/big/6660704dd6b676660704dd6b6817175962376660704dd6b656660704dd6b66.jpg)