Xəbərlər

Cəbrayıl Həsənov: “Əsas məqsədim Olimpiya Oyunlarına mükafat qazanmaqdır”

23:31

17 iyun 2015

“Növbəti yarışlarda yaxşı nəticələr göstərəcəyəm”. Bu fikirləri I Avropa Oyunlarında 74 kq çəki dərəcəsində mübarizə aparan Cəbrayıl Həsənov deyib. O finala çıxmağı və rusiyalı güləşçi ilə üz-üzə gəlməyi arzuladığını bildirib.

“Çətin görüşlər keçirdim. Finalda rusiyalı güləşçi ilə üz-üzə gəlməyi çox istəyirdim. Keçən il Avropa çempionatında qarşılaşmışdım. Revanş almaq istəyirdim, qismət olmadı. Növbəti yarışlarda yaxşı nəticələr göstərəcəyəm”.

Cəbrayil Həsənov 1/4 finalda məğlub olduğu Türkiyə təmsilçisinə əvvəllər qalib gəldiyini xatırladıb:

“Növbəti dəfə əvvəl etdiyim səhvləri bir də təkrar etməyəcəyəm. Ölkəmdə çempion olmağı çox istəyərdim. Əsas məqsədim dünya çempionatında yaxşı nəticə qazanmaq və Olimpiya Oyunlarına lisenziya qazanmaqdır”.

Qeyd edək ki, I Avropa Oyunlarında 74 kq çəki dərəcəsində mübarizə aparan Cəbrayəl Həsənov bürünc medal uğrunda görüşdə Bolqarıstan təmsilçisi Kiril Terziyevi məğlub edib.