Xəbərlər

Belçikalı müşahidəçi: "İnsanların çoxluq şəkilində gəlməsi kimi kiçik nüanslar var"

16:37

9 oktyabr 2013

Azərbaycanın şimal bölgəsini əhatə edən seçki məntəqələrində səsvermənin ilk saatlarından seçici fəallığı müşahidə olunur. Seçkini beynəlxaq müşahidəçilər izləyir. Belçika Parlamentinin nümayəndəsi David Kers APA TV-yə bildirib ki, səhərdən müşahidə aparırlar. Müşahidələr onu göstərir ki, çox şəffafdır: "İnsanlar sərbəst şəkildə öz seçimlərini edə bilirlər. Bizim artıq 6-cı seçki məntəqəsidir ki, müşahidə edirik. Heç bir ciddi nöqsan qeydə alınmayıb".

Belçika nümayəndə heyətinin üzvü Andre Obelik isə deyib ki, seçki çox sakit və qaydalı şəkildə baş tutur: "Qeyd edə bilərəm ki, bəzi kiçik nüanslar var. İnsanların çoxluq şəkilində gəlməsini, səs-küy olmasını kiçik bir nüans kimi qeyd edirəm. Seçicilərin aktivliyi müşahidə olunur".

Ümumilikdə şimal bölgəsini əhatə etmiş 6 seçki dairəsində 356 məntəqə üzrə 274 min 309 nəfər seçici qeydiyyata alınıb.