Xəbərlər

Şok iddia: Yanukoviç rus hərbçilərə könüllü əsir düşüb

11:33

7 aprel 2014

Ukraynanın Dövlət Mühafizə Xidmətinin rəisi Valeri Qeletey "İnter" televiziya kanalına müsahibəsində şik iddia ortaya atıb. O bildirib ki, Ukraynanın keçmiş prerzidenti Viktor Yanukoviç fevralın sonlarında rus hərbçilərinə təslim olub və onların nəzarəti altında ölkəni tərk edib. "Biz istintaq sirrinin təfərrüatlarını və detallarını çox aydın açıqlamadan da deyə bilərik ki, eks-prezident Yanukoviçin son hərəkətləri belə olub. O, rus hərbçilərə könüllü əsir düşüb və hərbçilərin nəzarəti altında Rusiya Federasiyasının ərazisinə aparılıb. Təxminlərimizə görə, Rostov Don şəhərinə gedib, hansı ki, orda o, bir neçə dəfə mətbuat konfransı keçirib" deyə Qeletey bildirib. Xidmət rəisi əlavə edib ki, Yanukoviçin dövlətin mühafizəsindən imtina etməsindən sonra onu qoruyan əməkdaşlar istefa ərizələrini yazıblar.

Xatırladaq ki, Ukrayna Prokurorluğu Yanukoviç haqqında 5 cinayət işi üzrə istintaqı davam etdirir. Fərari prezident əhalinin kütləvi qətlində, dövlət malını mənimsəmədə, hakimiyyəti qeyri-konstitutsion yolla ələ keçirmədə, konstitutsiyanın pozulmasına yönəlik hərəkətlərdə ittiham olunur. Onun barəsində axtarış elan olunub.