Xəbərlər

26 yaşlı azərbaycanlı İsveçdə nazir təyin olundu

18:05

18 oktyabr 2022

26 yaşlı gənc Romina Purmuxtari İsveçin iqlim və ətraf mühit naziri təyin olunub.

APA TV “Qafqazinfo”ya istinadən xəbər verir ki, Purmuxtari bununla da İsveç hökumətində bu günə qədər təyin olunan ən gənc nazir olub.

Məlumata görə, Purmuxtari daha əvvəl Liberal partiyanın gənclər təşkilatının sədri vəzifəsində çalışıb.

Qeyd edək ki, Romina 1995-ci ildə İsveçdə anadan olub.

Purmuxtari əslən Cənubi Azərbaycandandır. Onun atası İbrahim Purmuxtari vaxtilə İranın Şərqi Azərbaycan vilayətinin Təbriz şəhərindən siyasi baxışlarına görə təqib və təzyiqlərə məruz qaldığından İsveçə mühacirət edib, bir neçə il öncə vəfat edib.

Bildirilir ki, bundan əvvəl İsveçin ən gənc naziri 27 yaşlı Aida Hacialiç hesab olunurdu. Belə ki, orta təhsil naziri olan Aida içkili vəziyyətdə avtomobil idarə etdiyinə görə, 2016-cı ildə istefaya yollanmalı olub.