Xəbərlər

6-cı sinif şagirdi elektrik cihazlarının hissələrini çıxararaq oyuncaqlar hazırlayır

16:41

26 yanvar 2023

Qəbələ şəhər Nicat Apayev adına 4 saylı tam orta məktəbin 6-cı sinif şagirdi istifadəyə yararsız elektrik cihazlarının hissələrini çıxararaq elektron oyuncaqlar hazırlayır. 12 yaşlı məktəbli yalnız oyuncaqlara maraq göstərmir. O plastik butulkanı kəsərək, tozsoran da düzəldib.

Gələcəkdə mühəndis olmağı arzulayan məktəbli boş vaxtının çoxunu yaratdığı qurğulara sərf edir. Müsahibimiz deyir ki, növbəti dəfə üçün dron düzəltməyi planlaşdırır.

Özcan Alcanovun fizikaya böyük marağı var. Məktəblinin bu marağını görən valideynləri ona dəstək olur, övladlarının gələcəkdə yaxşı bir fizik və mütəxəssis olacağına inanırlar.

Qeyd edək ki, Özcan Alcanov Qəbələnin Yemişanlı kəndində yaşayır.