Xəbərlər

8 yaşlı uşağa özünü asmazdan öncə gələn mesaj: “BU AXŞAM SƏNİ ÖLDÜRƏCƏYƏM”

17:11

30 aprel 2022

Bir neçə gün əvvəl Bakı şəhər Nəsimi rayonunda məktəblinin intihar etməsi ilə bağlı istintaq araşdırmaları davam etdirilir.

APA TV Qafqazinfo-ya istinadla xəbər verir ki, istintaqçılar Natiq Şahbazov küçəsində yerləşən mənzildə özünü turnikdən asaraq intihar edən İran İslam Respublikasının vətəndaşı, 2014-cü il təvəllüdlü Ruintin Nəmin Kənan İrəc oğlunun "Galaxy TAB A7” markalı tabletdə (planşet) bu hadisəyə səbəb ola biləcək faktları aşkarlayıblar.

Hadisədən dərhal sonra mənzilin oyun otağında Nəsimi rayonu 10 nömrəli orta məktəbin 2-ci sinfində oxuyan uşağın daimi istifadəsində olan tableti istintaqçılar tərəfindən maddi sübut kimi götürülüb. Mobil cihazın qalereya bölməsində insanları zorakılığa sövq edən qorxulu animasiya və şəkillər, eləcə də "3 days to die” və sair bu tip oyun və mobil tətbiqlərin şəkilləri aşkar edilib. Həmçinin tabletin "Samsung Notes” bölməsində "salam, mən Anabellayam və bu axşam səni öldürəcəyəm” məzmununda yazışma aşkar edilib.

Bütün faktlar toplanaraq faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə iş açılıb.

Faktla bağlı araşdırmalar davam etdirilir.

Qeyd edək ki, məktəblinin anası hadisədən sonra hüquq-mühafizə orqanlarının nümayəndələrinə övladının məktəbdə sinif yoldaşı ilə problem yaşadığını və incidildiyini bildirmişdi.