Xəbərlər

800 boş psixoloq ştatı: Qəbul və maaş barədə nazir müavini danışdı

18:12

12 dekabr 2019

"Orta məktəblərdə psixoloqlar diaqnostik qiymətləndirilməsi dekabrın sonuna qədər keçiriləcək".

APA TV-nin məlumatına görə, bunu jurnalistlərə açıqlamasında Təhsil nazirinin müavini Məhəbbət Vəliyeva deyib.

Diaqnostik qiymətləndirmədə təxminən 3000-ə yaxın psixoloqun iştirakı arzuolunandır: “Hazırda ölkə üzrə əlavə 800 psixoloqa ehtiyacımız var. Ümumtəhsil məktəblərində 2000-dən artıq psixoloq fəaliyyət göstərir. Diaqnostik qiymətləndirmədən sonra psixoloqların əmək haqqının artımı məsələsi nazirlik tərəfindən müzakirə olunan vacib məsələlərdəndir”.

Məktəblərdə - xüsusən də 10-11-ci siniflərdə davamiyyət məsələsinə Təhsil Nazirliyi nəzarət edir. Bu barədə təhsil şöbələrinə, o cümlədən məktəb direktorlarına ciddi şəkildə tapşırıq verilib.

Məhəbbət Vəliyeva dərsə davamiyyətin zəif olduğu məktəblərin direktorları və həmin məktəblərin yerləşdiyi inzibati ərazilərin təhsil şöbələrinin müdirləri barədə ölçü götürüləcəyini bildirib.

Yeri gəlmişkən... 6 günlük dərs rejimi tətbiq edilən orta məktəblərdə Yeni il tətilinin müddəti hələ müəyyən edilməyib. Dərs günlərinin tənzimlənməsi ilə bağlı müzakirələr gedən nazirlikdən bu barədə məlumat veriləcək.